Programa

Solasaldia: Arrastoa uzten duen moda: arropa-itsaso batean ez itotzeko gakoak (gazteleraz) (SARRERA DOAN)

Ingurumen-zuzenbidean aditua den Clara Toméren eskutik, modaren industriaren trapu zikinak aterako ditugu armairutik, bere praktika jasangaitzenak agerian utziz: greenwashing-a, lan-esplotazioa, zaharkitze programatua… Adibide praktikoen bidez, marken marketin-estrategiak, hiperkontsumoa bultzatzen duten mekanismoak eta sare sozialek gure erosketa-erabakietan duten eragina desmuntatuko ditugu. Amaitzeko, modu kritiko eta kontzienteagoan janzteko aukera emango diguten benetako alternatibak ezagutuko ditugu.

• Noiz? Urriak 20, asteartea, 18:00etan
• Non? Landatxo G.E. (Vitoria-Gasteiz)
• Prezioa? Doan
• Plaza-erreserba? Sarrera librea tokiak bete arte

Parte-hartzailea:

Clara Tomé, ingurumen-legelaria, aktibista klimatikoa, modeloa eta Rights & Rootsen sortzaileetako bat da. Erakunde honek ingurumen-justiziaren, Naturaren Eskubideen eta herri indigenen eskubideen alde lan egiten du. Klimaren aldeko Europako Itunaren enbaxadorea da, eta nazioarteko erakundeekin lan egin du, hala nola Nazio Batuen Ingurumen Programarekin (PNUMA) eta Naturaren Eskubideen Aliantza Globalarekin. Bere lanean bat egiten dute klima, ingurumen-justizia, naturaren eskubideak, komunikazioa, intzidentzia politikoa eta moda iraunkorra.

Tailerra: Etiketaz haratago: emakumeak, lana, osasuna eta zainketak ehungintzaren industria globalean (gazteleraz) (IZENA EMAN BEHAR DA)

Zer dute komunean El Salvadorko arropa-makila bateko emakume langile batek eta Gasteizko emakume langile batek? El Salvadorko langileen ahotsetatik eta esperientzietatik ezagutuko ditugu haien bizitzak zeharkatzen dituzten dimentsio anitzak, hemengo borrokekiko loturak bilatuz zaintza lanen banaketa, lan-eskubideak edo kalitatezko osasun-arreta bezalako esparruetan. Agian guk uste baino "hari" gehiagok lotzen gaituzte.

• Noiz? Urriak 27, asteartea, 18:00etatik 20:00etara
• Non? Emakumeen Etxea (Vitoria-Gasteiz)
• Prezioa? Doan
• Izen-ematea?  010 / Gizarte-etxeak eta kirol-instalazioak / www.vitoria-gasteiz.org/eskolafeminista
  Gasteizko Jabetze Feministarako Eskolarekinbatera antolatutako jarduera

Parte-hartzaileak:

Montserrat Arévalo eta Karla Oritz, Mujeres Transformando (El Salvador) erakundekoak, ehungintzako emakume langileei laguntzeko erakundea. Montserrat zuzendaria da eta Karla Ehungintzako Langileen Koordinakundeko Lehendakaria.

Hitzaldia: Aldaketa ehuntzen: emakumeen bizitzak eta erresistentziak Ehun-lakan, El Salvadorren (gazteleraz) (SARRERA LIBREA)

Hitzaldi honen helburua ehungintzak sortzen dituen lan, gizarte, ekonomia eta ingurumen eraginak ikusaraztea da, Laken adibide zehatzaren bidez, eta gure lurraldeko ehungintza kontsumitzeko ohiturekin duen interdependentziaren bidez. Hausnarketarako, ezagutzak sortzeko eta elkartrukatzeko eta borroka sindikalerako eta mundu-mailako elkartasunerako tresnak sortzeko espazio lokal eta globala.

• Noiz? Urriak 28, asteazkena, 18:00etan
• Non? Gurari Etxea (Getxo)
• Prezioa? Doan
• Izen-ematea? Sarrera librea tokiak bete arte
  Gurari, Getxoko Emakumeen Etxearekin batera antolatutako jarduera

Parte-hartzaileak:

Montserrat Arévalo eta Karla Oritz, Mujeres Transformando (El Salvador) erakundekoak, ehungintzako emakume langileei laguntzeko erakundea. Montserrat zuzendaria da eta Karla Ehungintzako Langileen Koordinakundeko Lehendakaria.

Tailerra: Panpina autobiografikoak: oroitzapenekin jolasean (IZENA EMAN BEHAR DA)

Tailer honetan, gorputz unibertsal batetik abiatuta, bertaratzen den pertsona bakoitzak bere burua birsortzen du. Ehungintzaren bidez gorputza kontzientziatzeko pedagogia eginez. Errealizazio-prozesuan norberaren kontzientzia aktibatzen da, istorio bakoitzarena, bizitzaren une desberdinetan bizi den gorputzarena, amesten dugun gorputzarena, gure proiekzioena, eta prozesuaren emaitza panpina oso pertsonala da.

Emakumeei* zuzenduta

• Noiz? Azaroak 13, ostirala, 17:30etik 20:30era eta azaroak 14, larunbata, 10:00etatik 14:00etara
• Non? Bilar
• Prezioa? Doan
• Izen-ematea?  Formularioa (hemen klik egin) edo telefono honetan: 945 60 40 11
  Bilarreko Udalarekin batera antolatutako jarduera

Prestakuntza-emaileak:

Mottainai.ZGZ, kolektibo bat da, ikuspegi feminista eta komunitarioa duen ehun-artea sustatzen duena. Horrela ekarpena egiten dugu bizitzaren errespetuan oinarrituriko gizarte bat eraikitzeko, hain zuzen, aukera etikoa, harremanezkoa, politikoa eta ekonomikoa den errespetu batean. Gure gizartearen erronkei aurre egiteko ekintza soziokulturalak egiten ditugu batez ere. Zaragozan HILAKU ehun-artearen urteroko topaketa antolatzen dugu, estatuko zein nazioarteko artistak eta kolektiboak bilduta. Aracnología Social deritzon proiektua garatzen ari gara: ehun-arteko laborategi bat, Harinera.ZGZ arte komunitario zentroan. Ikastaroak ematen ditugu hainbat ehun-teknikaren inguruan, baita ehunezko narratibako mintegiak ere, ikerketa sozial komunitariorako metodologia gisa.

Doku-forum: SETEM Hego Haizearen Fabricando mujeres 2.0 (SARRERA DOAN)

Proiekzioa eta, ondoren, mintzaldia, kontsumo konbentzionalaren eta indarkeria matxisten arteko loturaz jabetzeko. SETEM Hego Haizeak bultzatutako Indarkeria kontsumitzen dugu? ikerlanean oinarritzen den bigarren dokumentala da eta, hark bezala, lotura hori agerian jartzea eta alternatibak nahiz esparru horretan sortzen diren erronkak erakustea bilatzen du.

SINOPSIA: Fabrikak mekanismoak modernizatu eta hobetu ditu. Inguratzen gaituen publizitatearen zati handi bat inbaditzearekin pozik ez dagoenez, orain gure etxeetan sartzea lortu du energiaren, aplikazio mugikorren eta fikzio-serieen bidez. Gai bakoitza zuzenean ezagutzen duten pertsonei (Lolita Chavez, Bob Pop edo Itziar Ituño) egindako elkarrizketen bidez, gure etxeetan indarkeria zenbateraino kontsumitzen dugun aztertuko dugu.

Dokumental elebiduna eta azpitituluduna (euskara eta gaztelania)

• Noiz? Azaroak 18 asteazkena, 18:30etan
• Non? Gurari Etxea (Getxo)
• Prezioa? Dohainik
• Toki-erreserba? Sarrera librea tokiak bete arte
  Gurari, Getxoko Emakumeen Etxearekin batera antolatutako jarduera

Tailerra: Serigrafia aldarrikatzailea (gazteleraz) (IZENA EMAN BEHAR DA)

Tailer honetan hausnarketa eta ekintza uztartuko ditugu, kolektiboki aldarrikapen diseinu bat sortuz eta serigrafiaren bidez irudikatuz. Indarkeria matxisten eta eguneroko kontsumoaren artean dagoen loturan sakonduko dugu lehenik, eta eztabaidatik sortuko dira sormenez irudi bilakatuko ditugun ideiak, trebatzailearen laguntzaz. Serigrafiak duen aldarrikapen potentziala ere ezagutuko dugu, borroka sozial eta ekologistan izan duen erabilerari buruzko ibilbidea eginez. Bigarren egunean, gure sorkuntzak kotoizko oihaletan estanpatuko ditugu, teknika eta tintak erabiltzen ikasiz. Tailerraren amaieran, parte-hartzaile bakoitzak bere arropa serigrafiatuak eramango ditu Azaroak 25eko mobilizazioetan erabili ahal izateko. baita urteko egun guztietan ere!

• Noiz? Azaroak 20, ostirala, 17:00etatik 20:00etara eta azaroak 21, larunbata, 10:30etik 13:30era
• Non? Iparralde G.E. (Vitoria-Gasteiz)
• Prezioa? Doan
• Izen-ematea? Formularioa (hemen klik egin)

Prestakuntza-emailea:

Jule Costa Mendia artista eta Kapalilua serigrafia proiektuaren sortzailea da. Serigrafia teknika biziki maite du, irudien sortze prozesuan saiakuntzak egiteko ematen duen aukerengatik eta aldarrikapen bozgorailu ezin hobea iruditzen zaiolako.

Tailerra: Indarkeria matxistak eta kontsumoa (gazteleraz) (IZENA EMAN BEHAR DA)

SETEMen Indarkeria kontsumitzen dugu? ikerlanak indarkeria matxisten eta kontsumo konbentzionalaren arteko lotura aztertzen du hainbat arlotan, eta erakutsi egiten du nola gure gizartean halako indarkeriak naturalizatuta eta normaltzat onartuta dauden. Tailer honetan, ikerlanak zenbait arlotan emandako emaitzak izango ditugu abiapuntu (estetika, mugikortasuna, fikziozko telesailak, teknologia mugikorra…), indarkeriak nola zeharkatzen gaituen aztertzeko, eta zein modutan eraiki ote ditzakegun kontsumitzeko beste era batzuk.

• Noiz? Konfirmatzeke
• Non? Konfirmatzeke
• Prezioa? Dohainik
• Izen-ematea? Konfirmatzeke

Prestakuntza-emaileak:

SETEM Hego Haizeak 2015etik dihardu ohiko kontsumo-ereduaren eta indarkeria matxisten arteko harremana ikertzen. Lan horri esker, hainbat txosten eta gida didaktiko argitaratu dira, bi dokumental sortu dira eta baita web interaktibo bat ere: www.fabricandomujeres.org. Azkenik, 2024ean erakusketa interaktiboa bat sortu genuen. Hori guztia, indarkeria matxistarik gabeko kontsumo-alternatibak eraikitzeko helburuarekin.

Doku-forum: SETEM Hego Haizearen Fabricando mujeres (SARRERA DOAN)

Proiekzioa eta, ondoren, mintzaldia, kontsumo konbentzionalaren eta indarkeria matxisten arteko loturaz jabetzeko. SETEM Hego Haizeak bultzatutako Indarkeria kontsumitzen dugu? ikerlanean oinarritzen den dokumentala da eta, hark bezala, lotura hori agerian jartzea eta alternatibak nahiz esparru horretan sortzen diren erronkak erakustea bilatzen du.

Sinopsia: Maitek 80 urte ditu eta Fabrikak sortzen dituen hondakinak jasotzen jarraitzen du asmakizunak egiteko. Bere lantegian espazio subertsibo bat sortu du Fabrikak zabaltzen dituen emakumeen estereotipo modeloei aurre egin ahal izateko. Pertsona sare zabala du berekin elkarlanean, hauekin bere kezkak konpartitzen ditu, baita bere borroka ere.

Dokumental elebiduna eta azpitituluduna (euskara eta gaztelania)

• Noiz? Abenduak 3 osteguna, 18:00etan
• Non? M aretoa (Muskiz)
• Prezioa? Dohainik
• Toki-erreserba? Sarrera librea tokiak bete arte
  Muskizko Berdintasun Sailarekin batera antolatutako jarduera

“Fabricando Mujeres: Indarkeria kontsumitzen dugu?” erakusketa interaktiboa (gaztelera eta euskera) (SARRERA DOAN)

Erakusketa honetan Emakumeen Fabrikaren unibertsoan murgildu ahal izango zara, “Emakumea”-ren ideia eraikitzen duten elementuz betetako “muntaketa-katea”, non eredu idealean sartzen ez diren piezak baztertu egiten diren. Ez da erakusketa konbentzionala, hainbat geltoki dituen bidaia proposamena baizik. Gure eguneroko kontsumoan ezkutatzen diren indarkeria matxistak ikusaraziz abiatuko gara; ondoren, auzokideen patio bat ikusiko dugu, non bertako emakumeek pairatu dituzten indarkerien istorioak partekatzen dizkiguten; eta, azkenik, gure irudimena askatu eta indarkeria matxistarik gabeko kontsumo baterako alternatibak kolektiboki sortzeko leku batera iritsiko gara. Collageak, gardenkiak eta proiekzioak bezalako elementu interaktiboek lagunduko digute zeregin horretan.

Erakusketa hau SETEM Hego Haizea erakundeak eta Altekio Kooperatibak sortu dute, Indarkeria kontsumitzen dugu? ikerketan eta Fabricando Mujeres dokumentalean oinarrituta. www.fabricandomujeres.org webgunean material guztiak eta informazio gehiago kontsulta ditzakezu.

• Noiz? Abenduaren 3tik, osteguna, abenduaren 29ra, asteartea, espazioaren irekiera orduan.
• Non? Arizko Dorretxea (Basauri)
  Sagarrak talde ekologistarekin batera antolatutako jarduera

Sortzaileak:

SETEM Hego Haizeak 2015etik dihardu ohiko kontsumo-ereduaren eta indarkeria matxisten arteko harremana ikertzen. Lan horri esker, hainbat txosten eta gida didaktiko argitaratu dira, bi dokumental sortu dira eta baita web interaktibo bat ere: www.fabricandomujeres.org. Azkenik, 2024ean erakusketa interaktiboa bat sortu genuen. Hori guztia, indarkeria matxistarik gabeko kontsumo-alternatibak eraikitzeko helburuarekin.

Altekio, gizarte ekimeneko kooperatiba, bizitzaren zaintza gure gizarte eta ekonomien erdigunean berriro jartzeko lanean ari dena. Bere lanak erronka sozioekologikoak jorratzen ditu, konponbideak esploratuz, harremanak birsortuz eta guztion ongia sustatuz, gizarte iraunkorragoa, erresilienteagoa, integratzaileagoa eta bidezkoagoa izan dadin.