Zabalik dago SETEMen elkartasun-auzolandegietan izena emateko epea! Beste uda batez, nazioarteko lankidetzara eta elkartasunera hurbiltzeko esperientzia hau antolatuko dugu Guatemala, Kolonbia, El Salvador eta Ekuadorko tokiko erakundeekin batera. Hilabete bat edo bi iraungo du, hurrengo uztailean eta/edo abuztuan.

Izena eman otsailaren 6ra arte esperientzia hau prestatzeko hasierako jardunaldian parte hartzeko.

Elkartasun-auzolandegiek aukera ematen diete 21 urte beteta dituzten pertsonei Latinoamerikako herrialde horietan bidaiatzeko eta garapen-proiektuak ezagutzeko. Ez dira nazioarteko boluntariotza. Bidaiatzeko, datorren otsailean hasiko den prestakuntza-prozesu bat egin behar da. Klikatu hemen parte hartzeko behar diren xehetasunak eta baldintzak ezagutzeko.

Inaugurazio eguna otsailaren 11n izango da, Gasteizko Simone Beauvoir elkarteen etxean, eta bertan parte hartzeak 20 euroko kostua du (janaria barne). Komeni da aipatzea jardunaldi honetan parte hartzeak ez dizula Elkartasun auzolandegien gainerako prozesuan parte hartzeko konpromisorik ematen.

Egun hori bi zatitan banatuko da. Lehenengoan prestakuntza emango da, SETEM eta han eta hemen egiten duen lan eta Latinoamerikako bazkideekin duen harremanera ezagutzeko. Elkartasun-auzolandegien betekizunak eta baldintzak ere azalduko dira. Jardunaldiaren bigarren zatian zalantzak argituko ditugu, bidaiatzeak zer esan nahi duen hausnartuko dugu, eta zergatik egin, nola egin eta testuinguru jakin batean hegan egiteko eta errealitate desberdin bat ezagutzeko dugun gogoari buruz hausnartuko dugu.

Anima zaitez eraldatuko zaituen bidaia batean parte hartzera!