Datorren ostegunean, maiatzaren 11n, antzerki foroan parte hartzera gonbidatzen zaitugu SETEMek eta Saretuzek. Y si mueren los tritones 19:00etatik 21:00etara, Doka Antzokian (Donostia). Bai, ondo irakurri duzu, antzerki-modalitate honetan ikusleek pertsona pasibo izateari uzten diote, subjektu aktibo bihurtzen dira, emanaldian eragina dute eta bertan sartzen dira ikusle eta aktore gisa.

El Mar del Norte konpainiaren eta Biela y Tierra emakumeen kolektiboaren eskutik, gure plateretan jartzen duguna gure osasunean, komunitatean eta planetan duen eraginari buruzko hausnarketa egingo dugu. Ikuskizun honen bidez, ekoizpen-moduak eta horien jatorria kontuan hartuko dituzten kontsumo-eredu iraunkorragoak bilatu nahi dira.

Felisa, Felipe, Sole, Pili, resort turistikoaren burua edo supermerkatuko arduraduna izango dira guztion artean eraikiko dugun antzerki foro honi forma emango dioten pertsonaiak. Bere eztabaida eta gogoetetatik abiatuta, gure ohiturek planeta gehiago errespetatzen duen kontsumo-eredu batean eragiteko daukagun ahalmenaz jabetuko gara. Bere eskutik erronka horiei aurre egiteko benetako aukerak ezagutuko ditugu.

Eztabaidarako gune atsegina izango da, sortzaileen ustez funtsezkoa baita diziplinak batzea eta elkarrekin sortzea, alderdi artistikotik eta agroekologikotik. Ikuskizun horretan, artistek, aktibistek, administrazioek eta herritarrek elkarrekin hausnartzen dute bizi ditugun erronka ekonomiko eta sozialei buruz.

Zuk ere galdu nahi ez baduzu, eman izena formulario honetan. Doako plazak lekua bete arte!!